1ê Sibata 2004î de Hewlêr de demê şayîya roşanî de hetê Ensar El Îslamî ra hêriş ame kerdene û netîceyê hêrişî de 100 kesan ra zêde merdimî merdî û 200 kesê bînî birîndar bîyî.

Roja 1ê Sibate de Hewlêr de netîceyê hêrîşê ke bînayanê PDK û YNKî rê virazîyay de îdarekarê her du partîyan merdbî û brîndar bibî.

Hêriş demê şayîya roşanî de ame kerdene û mîyanê kesê ke şehîd kewtî de endamê Polîtburoya PDKyî Samî Abdurrahman û Seîd Abdullah, Endamê Komîteya Merkezî yê PDKyî Şevket Şêx Yezdîn, Walîyê Hewlêrî Ekrem Mantiq û hetkarê ey û Serekê Yewitîya Nuştoxanê Kurdan yê şubeyê Hewlêrî Mehdî Xoşnaw, Qeymeqamê Hewlêrî Ehmed Rojbeyan, Midurê Polîsanê Hewlêrî Amîd Nerîman û Mesulê YNK yê Hewlêrî Şaxewan Abbad û xeylî îdarekarê YNKî ameybî qetl kerdene.

Serrgêra qetlîamê 1ê Sibate ya 20ine de, ma kerdoxan û destegdaranê nê qetlîamî şermezar kenê, şehîdanê nê hêrîşî û heme şehîdanê Kurdistanî bi hurmet yad kenê.

01.02.2024

Buroya Çapemenî ya Partîya Welaparêzanê Kurdistanî (PWK)