Buroya Çapemenî ya Partîya Welatparêzanê Kurdîstanî (PWK):

Serewedartişê Başûrê Kurdistanî, ganî bi hukmatêko mîllî, demokratîk û yewbîyaye bêro dewamkerdiş

Qezaya Ranya ya Başûrê Kurdîstanî de roja 5ê adara 1991î de şarê ma vera Seddamê dîktatorî xoverodayîş da dest pêkerdiş.

No xoverodayîş vilayê pêruna Başûrê Kurdistanî bi. Netîceyê xoverodayîşî de Hewlêr, Silêmanîye û Dihok amê azadkerdiş. 1992î de zî bi weçînayîşê Parlamentoyî Herêma Federe ya Kurdistanî amey îlan kerdiş.

Xoverodayîş, 2005î de Qanûnê Bîngehînî yê Iraqî de bi qebûl kerdena Dewleta Federe ya Kurdistanî dewam kerd.

Xoverodayîş nêvindert.

Xoverodayîş 25ê îlona 2017î de, referandûmê xoserîye de bi %93 'erê' semedê xoserîye dewam kerd.

Ma hêvî kenî ke, Serrgêra Raperînî ya 34ine, Başûrê Kurdistanî de bibo destpêke hukmato hempîya yo partîyanê kurdistanîyan ke bi yewbîngirewteyî, temsîlîyetê Herêma Kurdistanî biko, heme dezgeyanê dewlete biko yew û destvistişanê federeyî bipawo; no çî tena ihtîyacêk nîyo, reyna zerûrîyêko neteweyî û niştimanî zî yo.

Tu şikê ma ci ra çino ke, her çar perçeyanê Kurdistanî de zî şarê ma heta ke azadîya xo nêgîro xo dest do xoverodayîş dewam biko.

Ma serrgêra Xoverodayîşê Başûrê Kurdistanî ya 34ine Pîroz kenî. Şehîdanê xoverodayîşî û heme şehîdanê Kurdistanî bi hurmet yad kenîme.

05.03.2025

 Buroya Çapemenî ya Partîya Welatparêzanê Kurdîstanî (PWK)