Partîya Welatparêzên Kurdistanê (PWK), bi minasebeta 110emîn salvegera darvekirina rêberê netewî, civakî, dînî yê miletê Kurd û gelê Kurdistanê Şêx Ebdulselam Barzanî, roja 14.12.2024ê,  li Teşkîlata Amedê ya PWKyê semînerekê li dar xist.

Berdevkê PWKyê Hanîfî Tûran moderatorîya semînerê birêvebir.

Di destpêka semînerê de, ji bo hemû şehîdên Kurdistanê rêz hate girtin û Hanîfî Tûran, daxuyanîya PWKyê ya di derbarê jîyan, reform û têkoşîna Şêx Ebdulselam Barzanî de xwend.

Paşê lêkolîner, dîroknas û nivîskarê kurd Kerem Serhedî bi belgeyan di derbarê jîyan û xebat û girîngîya rêbaza Şêx Ebdulselam Barzanî de agahdarîyên berfireh da.

Ji beşdarên semînerê, sîyasetmedar û rewşenbîrên kurd, Îbrahîm Guçlu û Omer Ozmen jî di derbarê girîngîya reform û têkoşîna Şêx Ebdulselam Barzanî de axivîn.

Li gel rêvebir û endamên PWKyê, gelek sîyasetmedar û rewşenbîrên kurd jî beşdarî semînerê bûn.

14.12.2024

Buroya Ragehandinê ya Partîya Welatparêzên Kurdistanê (PWK)