Nûnerên Platforma Ciwanên Serbixwe roja 05.11.2023yê, li Amedê, li Qada Şêx Seîd, ‘’Sonda Jîyana Bi Kurdî’’ xwarin.

Cîhgirên Serokê Giştî yê Partîya Welatparêzên Kurdistanê (PWK) Mehmet Can Azbay, Vahît Aba û gelek rêvebir û endamên PWKyê, Serokê Giştî yê HAK-PARê Duzgun Kaplan û rêvebirên HAK-PARê, gelek sîyasetmedar û rewşenbîrên Kurd ên wek Sebahattîn Korkmaz, Ahmed Kanî, Sitki Zîlan jî  ji bo piştgirîyê beşdarî çalakîya Platforma Ciwanên Serbixwe bûn.

Nûnerên Platforma Ciwanên Serbixwe bi herdu zaravayên kurdî (kurmancî, kirmnackî/zazakî) sond xwarin da ku ji îro pê ve dê li Kurdistanê, di her warên jîyanê bi kurdî biaxivin.

Çalakîya Platforma Ciwanên Serbixwe baldar û berhemdar bû.

Platforma Ciwanên Serbixwe, di demên pêş de her carê dê li bajarekî Kurdistanê vê çalakîya xwe berdewam bikin.

05.11.2023

Buroya Ragehandinê ya Partîya Welatparêzên Kurdistanê (PWK)