Partîya Welatparêzên Kurdistanê (PWK) roja 01.03.2024ê, bi minasebeta 45emîn salvegera koça dawîya Mele Mustafa Barzanîyê nemir, li Batmanê (Êlih) konfernaseke bibîranînê li dar xist.

Konferans li Hola Parêzer Tahîr Elçî ya Baroya Batmanê hate li dar xistin.

Konferansê bi Sirûda Neteweyî Ey Reqîbê,bi rêzgirtina ji bo şehîdên Kurdistanê destpêbû.

Serokê Teşkîlata Batmanê ya PWKyê Azîz Ozdemîr moderatorîya konferansê kir û di derbarê armanc û bernameya konferansê de ahagdarî da, avaftvanên konferansê da nasîn.

Di destpêkê de vîdeoyeke ku ji kurte jîyana Mele Mustafa Barzanî pêk hatibû hate pêşkêş kirin.

Paşê Cîhgirê Serokê Giştî yê PWKyê Mehmet Can Azbay (Cano Amedî), nivîskar û lêkolînerê kurd Seîd Veroj û sîyasetmedarê kurd Mele Arif Sumerkan di derbarê jîyan, têkoşîn, xebat û rol û girîngîya Mele Mustafa Barzanîyê nemir de axaftin.

Vîdeoyek ku şaîrê welatperwerê Kurd, Seydayê Gurdilî helbesta xwe ya bi navê "Qehremanê Esra Bîstan Mustefa Barzanî Tu" hate pêşandan.

Helbestvanê kurd Şêxmûs Hemo jî di derbarê Mele Mustafa Barzanî de helbestek xwend.

Konferansa bibîranîna Mele Mustafa Barzanî bi beşdarîyeke gelekî baş li dar ket.

Li gel rêvebir û endamên PWKyê, heyetên PSK, HAK-PAR, PDK-BAKUR, Hereketa Azadî, PYK-S, PDKS, Tevgera Avakirina Demokratî Kurdistanî-Sûrya, PDPK-S, HUDAPAR, Platforma Ciwanên Serbixwe, Komeleya Ahmedê Xanî, Komeleya Nubihar, Komeleya Şirnexîyan, Komeleya Farqînê, Namzetê Şaredarîya Amedê yê HAK-PARê Mehmetşah Eren, Namzeta Serbixwe ya Şaredarîya Batmanê Mûazzez Baktaş, Namzetê Şaredarîya Batmanê yê HUDAPARê Serkan Ramanlı, gelek sîyasetmedar û rewşenbîrên kurd û gelê Batmanê beşdarî konferansê bûn.

01.03.2024

Buroya Ragehandinê ya Partîya Welatparêzên Kurdistanê (PWK)