Pêkewtişo ke hêrişê hêzanê hukmatê Şamî yê vera Hêzanê Asayîşê Zereyî ra dima Qamişlo de dest pêkerd bi giranêr. Hêzê Asayîşê Zereyî ver bi taxa Teyî şinê.

Hêzanê Dîfa El Wetenî vizêr şan hêrişê noqtaya kontrolî ya Hêzanê Asayîşê Zereyî kerdbi û Hêzanê Asayîşê Zereyî de cewabê hêrişî da. Bi nê hawayî taxa Teyî de pêkewtişî dest pêkerd.

Pêkewtiş pêro şewe dewam kerd û xeylêk milîsê Dîfa El Wetenî kişîyayî, birîndar bîyî. Pêkewtiş de şerwanêkê Hêzanê Asayîşê Zereyî şehîd bi.

Şewe saeta mabênê 02.00-03.00 de wextêk bêvengîye qewimîyaye la dima şer newe ra bi giran.

Hêzanê Dîfa El Wetenî yê rejîmê Şamî wextê hêrişî de topê hawanî û çekê cîyayî yê giranî xebitnayî. 

Hêzê Asayîşê Zereyîserê sibayî ver bi taxa Teyî şîyî. Goreyê wextê herême heta saete 09.00 pêkewtişî  dewam kerdêne.