Goro ke ame zanayîş, 11ê Tebaxe, nîmeyê şewe desan Qazaxî bi çend erebeyan wexto ke dewijî rakewte bî hêrîşê dewa Qasqabulakî ya nehîyeya Talasa Qazaxistanî ke tede Kurdî cuyene kerd.

Rojnamegero Kurd Ramazan Kerîmî PeyamaKurdî rê qisey kerd û va, ‘‘11ê Tebaxe şewe, qasê 35-40 Qazakî bajarê Tarasî de hêrişê dewa Kurdan Qaşqabulak kerd. Ber û pencerayê banê Kurdan amê şikitiş, Kurdan zî  înan de şer kerd û polîsan rê telefon akerd.’’

Goro ke vajîyeno hêrîşkaran waşt wa Kurdî dewe ra bar bikê û welatê Qazaxan ra vejîyê.

Rojnamegero Kurd Ramazan Kerîmî wina dewam kerd ‘Qazaxîstan de nasyonalizm aver şîyo. Kurdî binê tehlûkeyêko pîl de yê. Kurdan ra vanê welatê ma ra şêne. Nê hêrişî ra dima 14 kesî hetê polîsan ra ameyî tepiştiş.’’