Konseya Ewlekarîye ya Neteweyanê Yewbîyayîyan va ma ‘bi hêzdarîya tewre pîle’ Tirkîya şermezar kenê.

Tirkîya 20 Temûze de bombayî varnaybî dewa Zaxoyî ya Perexî. Na hêrîşe de 9 sîvîlî merdibî, xeylê kesî zî birîndar bibî. Hukmatê Iraqî na hêrîşe ver Konseya Ewlekarîye ya Netewîyanê Yewbîyayîyan rê gerreyê Tirkîya kerdibi.

Qetlîam ame şermezarkerdiş

Meseleye ser Konseya Ewlekarîye ameye pêser û qetlîamê Zaxoyî ame şermezarkerdiş. Konseye va, “Ma keyeyanê merdîyan, Hukmatê Iraqî û Îdareyê Kurdistanî rê serweşîye wazenê. Ganî deerheqê cigêrayîşê meseleye de paştî bidîya Hukmatê Iraqî. Konseya Ewlekarîye paştî dana xoserî û prosesê demokratîkî yê Iraqî.” Qetlîamê Zaxoyî ‘bi hêzadrîya tewre pîle’ ame şermezarkerdiş.

Parlamentoya Iraqî do derheqê meseleye de reyna bêra pêser. Kombîyayîşî de do raporo ke hetê Konseya Ewlekarîye û Pawitişê û Komîsyona Têkilîyanê Teberî ra ameyo hedrekerdiş ser o nîqaşî bibê û bêro erjnayîş.