Merkezê Xeberan - Qeyûmê Batmanî verê cû sîteyê înternetî yê Şaredarîya Êlihî ra beşê kurdkî wedaritbi. Qeyûmê Batmanî na rey zî xebatkarê şaredarî ziwannas, nuştox û açarnayox Zana Farqinî û di kesê bînî karî ra vetî.

 Zana Farqinîyo ke semedê vîrusê Korona ra îzîn de bi, 3ê nîsane de qerar ci rê ame erşawitiş. Farqinîyî na rewşe sey darbêka pîle ya vera huber, ziwan û kulturê kurdan name kerd.

Zana Farqinîyo ke seba xebatanê xo yê ziwanî şaredarîye de dest pê karî kerd da zanayîş ke, 1ê nîsane de karî ra ame vetene û qerar 3ê nîsane de ci rê ame erşawitiş.

Farqinîyî eşkera kerd ke ey reyde di kesê bînî zî karî ra ameyî vetene û vat: ''Ez wexto ke îzîn de bîya karî ra ameya vetene. La nê detayê girîngî nîyê. Oyo girîng ziwanê kurdkî yo û girîng o ke gelo şaredarîye xebatanê ziwanî dewam bikera yan ney. Ma do seba domanan û derheqê folklorê kurdan xebatî  kerdêne. Ma seba perwerdeyê mamostayanê kurdkî dest pê xebate kerdbi ke şaredarîye de kursê kurdkî abikerê. Ma sey amadekarîya ferhengê kurdkî zî projeyêk kerdêne. Bi no qayde hewa ewilî pêro ferhengê kurdkî bibîyêne dîjîtal.

Wan: Karmendo ke hetê qeyûmî ra kar ra amebi vetiş xo kişt

Qeyûmê Batmanî kurdkî wedarit!

Qeyûmî tayînê 5 şaredarîyanê HDP ê bînn bîy

Qeyûmî Keyeyê Meymanan û Kitaban ê Ayşe Şane Qefilna!