Qeyûmê Amedî muracatê stajê mecburî yê 141 wendekaranê lîse ke ameybî tesdîqkerdene bi bahaneyê ‘butçe kêmî ya’ betal kerd.

Qeyûmê Amedî Hasan Basrî Guzeloglûyo ke roja diyîne yê tayînkerdişê xo de 29 karmendî kar ra vetbi û 8 karkerî 2 şêwirmendî zî kar ra dûrî fînabî nika wendekaranê stajîyerî kerd hedef.

Wendekarê sinifê peynî yê meslekî verê ke Hemşaredarê Şaredarîya Amedî Adnan Selçûk Mizrakliyî wezîfe ra bêro girewtene û qeyûm tayînê herinda ci bêro kerdene, seba stajê xo yê mecburî muracatê şaredarîye kerdbî. Muracatan ra dima qerar ame dayene ke 96 wendekarî şaredarî de û 45 wendekarî zî Mudirîya Pêroyî ya Qenalîzasyon û Awe ya Amedî (DÎSKÎ) de stajanê xo bivînî.

Wendekarê ke hadreyîya destpêkerdişê stajanê xo kerdêne, vate vatê ke stajê înan ameyo vindetene girewtî. Nê eşnawitişan ra dima wendekarî şîyî şaredarî û selahîyetdaran reyde pêvînayîş kerdî. Selahîyetdarî wendekaran rê dîyar kerdî ke stajê înan ameyo vindetene. Badê hedîse şaredarî bi bahaneya ‘butçe kêmî ya’ stajê 141 wendekaran betal kerd.

Wendekarê Lîseyê Anadolu yê Teknîk û Meslekî yê Şehîtlîkî Arjîn Demîrbaşî derheqê bebete de qisey kerd û da zanayene ke muracatê înan tayînkerdişê qeyûmî ra ver ameybî tesdîqkedene, la tayînkerdişê qeyûmî ra dima bi mehneya ‘butçe kêmî ya’ muracatê înan ameyo betalkerdene. Demîrbaşî va: “Eke ma stajê xo nêvînî, ma do sinif de bimanî û keda ma ya yew serrî do bîlasebeb şêro.”

Qeyûmî stajê mecbûrî yê 141 wendekaranê lîse betal kerd!

Qeyûmê Amedî muracatê stajê mecburî yê 141 wendekaranê lîse ke ameybî tesdîqkerdene bi bahaneyê ‘butçe kêmî ya’ betal kerd.

Qeyûmê Amedî Hasan Basrî Guzeloglûyo ke roja diyîne yê tayînkerdişê xo de 29 karmendî kar ra vetbi û 8 karkerî 2 şêwirmendî zî kar ra dûrî fînabî nika wendekaranê stajîyerî kerd hedef.

Wendekarê sinifê peynî yê meslekî verê ke Hemşaredarê Şaredarîya Amedî Adnan Selçûk Mizrakliyî wezîfe ra bêro girewtene û qeyûm tayînê herinda ci bêro kerdene, seba stajê xo yê mecburî muracatê şaredarîye kerdbî. Muracatan ra dima qerar ame dayene ke 96 wendekarî şaredarî de û 45 wendekarî zî Mudirîya Pêroyî ya Qenalîzasyon û Awe ya Amedî (DÎSKÎ) de stajanê xo bivînî.

Wendekarê ke hadreyîya destpêkerdişê stajanê xo kerdêne, vate vatê ke stajê înan ameyo vindetene girewtî. Nê eşnawitişan ra dima wendekarî şîyî şaredarî û selahîyetdaran reyde pêvînayîş kerdî. Selahîyetdarî wendekaran rê dîyar kerdî ke stajê înan ameyo vindetene. Badê hedîse şaredarî bi bahaneya ‘butçe kêmî ya’ stajê 141 wendekaran betal kerd.

Wendekarê Lîseyê Anadolu yê Teknîk û Meslekî yê Şehîtlîkî Arjîn Demîrbaşî derheqê bebete de qisey kerd û da zanayene ke muracatê înan tayînkerdişê qeyûmî ra ver ameybî tesdîqkedene, la tayînkerdişê qeyûmî ra dima bi mehneya ‘butçe kêmî ya’ muracatê înan ameyo betalkerdene. Demîrbaşî va: “Eke ma stajê xo nêvînî, ma do sinif de bimanî û keda ma ya yew serrî do bîlasebeb şêro.”