Walîyê Wanî Mehmet Emîn Bîlmezo ke hezar rojîyo binê nameyê qedexeyê çalakî û aktîvîteyan de heme faalîyetê cimatkî û kulturkî qedexe kerdî, dimayo ke Şaredarîya Bajarê Pîlî rê sey qeyûmî ame tayînkerdene, na rey zî veyveyî qedexe kerdî.

Wan de veyveyê ke peynîya hewteyî de ameyî kerdene, polîsan bi helîkapteran bombayê gazî eştî ci.

Wano ke hezar rojan ra zafêro ke binê qedexeyan de yo tena bi talîmatê walîyî yeno îdarekerdene.

Çarçeweya qedexeyo ke 15 rojan de yeno dergkerdene de konser û festîvalî yenê qedexekerdene.

Walîyo ke bajar açarnayo zîndano akerde na rey zî hêrişê veyveyanê şarî keno. Polîsê ke verî grûbê muzîkê ke vejîyenê veyveyan tehdît kerdêne ke wa Kurdkî deyîran mevajê peynîya nê hewteyî de helîkoteran ra veyveyan ser o bombayê gazî varnayî.

Seba ke veyveyan de klamê Kurdkî ameyî vatene raştê hêrişî ameyî.  Hemwelatijê ke vera hêrişan bihers ê ard ziwan ke rixmê heme herîşan ê do veyveyanê xo goreyê kultur û tradîsyonê xo bikerê.