Qoricîyan hêrişê êzidîyo bi nameyê Silêman Ozmen kerd ke. Ozmen 40 serran ra dima agêrabi dewa xo.

Silêman Ozmeno 63 serre 40 serrî verî bêçare mend ke dewa xo ra koç biko. Ozmen agêra dewa xo  Kfernasî ke qezaya Mîdyadî ya Mêrdînî de ca gêna û keyeyê xo kerd newe.

Hewteyê vîyarteyî de 6 qoricîyan hêrişê Ozmenî kerd. Qoricîyî pê kepçe şîyî dewe û înan waşt ke wa Ozmen dewe ra şoro. Ozmenî vat o do gerreyê înan bikero û qoricîyan zî dima ra vat 'ma dewlet ê' û pê tifing da sereyê Ozmenî ro.

Ozmenî va: ''Ez ha kena ke abigêra erdê xo ser. La tay kesî qoricîyan zî gênê xo het û nêverdenê ez debikewa dewe. Vanê cayê şima dewe de çin o. Tapuyê ma estê. Ma wazenê keyeyanê xo newe bikerê û tede ca bibê. La ê nêverdenê.''

Ozmenî hêrişan ver semed bêçare mend ke dewe ra vejîyo û waşt ke rayaumûmîye paştî bida înan.