Goreyê raporî ke hetê Fedarasyonê Obezîte yê Dinya ra ameyo hazirkerdene, do heta 2035î nêmeyê nufusê dinya bibo obez.

Fedarasyonê Obezîte yê Dinya raporê xo yê serrane weşana  û îqaz kerd.

Eke hukmatî vera meylê obezîteyî çîyêkî nêkerê, do heta 2035î nêmeyê nufusê dinya bibo obez. Nika 2.6 mîlyar însanî obez ê. Eke wina dewam bikero hûmara obezan do mîyan 12 serrran de biresa 4 mîlyar.

Na nêweşî gelekî welatan eleqedar kena, dewletê feqêrî goreyê welatanê bînan hazir nîyê ke na nêweşî reyde têkoşîn bikerê.

Serokê Fedarasyonî Prof. Louise Baurî îqaz kerd û vat, ‘‘Eke ewro ma vera xo nêdê obezîte û tedbîrê xo nêgîrê, siba ma do tesîrê giranan reyde rî bi rî bimanê.’’ Baurî vat obezîte gede û ciwanan mîyan de zaf rew vila bena.

Nê warî de xeylê pêşnîyazî ameyê kerdene: Sîstemêkê ronayîşê bacî, sînorkerdişê daxil û werdanê rûnin, solin û şekirinan, paketan ser o nuştişî tedeyîyê werdan û dibistanan de peydanêkerdişê nê werdan.