Rêxistina Mafê Mirovan a “Hengaw”ê li derheq sepandina ceza bi ser binçavkiriyên meşa şoreşa Jînayê de raporek belav kiriye û pêka vê raporê heta niha zêdetir ji 700 sal girtîgeh û 2 hezar û 227 derbên qamçiyan bi ser binçavkiriyên şoreşa Jînayê de ku 44 kes ji wan xelkê bajarên Rojhilatê Kurdistanê ne, hatiye sepandin.

“Hengaw”ê di rapora xwe de daye zanîn, ku nasnameya 202 kesên binçavkirî yên şoreşa Jînayê eşkere kiriye û di vê derheqê de daye zanîn, bi ser 201 binçavkiriyên şoreşa Jînayê de 715 sal û 6 meh û 17 roj girtiheh û 21 sal û 6 meh girtîgeha ragirtî hatiye sepandin.

Herwisa Hengawê daye zanîn, ku 2 hezar û 227 derbên qamçiyan, standina bertîl û bêbeşkirin ji mafên civakî bi ser wan 201 binçavkiriyan de hatiye sepandin.

Di vê raporê de hatiye, ku navendên ewlehî û dadgehên rejîma Îranê, bi tohmetên “muharibe, fesad fî erz” bi ser zêdetir ji 15 binçavkiriyan de sepandiye ku renge bi ser wan de cezayên giran û bidarvekirin jî bê sepandin.

Dadgehên rejîmê bi ser 4 zarokan, 234 çalakvanên jin, zêdetir ji 4 mamoste û 8 xwendekaran de girtîgeh û derbên qamçiyan sepandiye.

Herwisa bi 10an maosteye û çalakvanên olî ji aliyê navendên ewlehî ve hatine girtin, banghêjkirin û lêpirsîn digel wan hatiye kirin.

Çavkanî: Kurdistan Media