Mehkemeya Îranî semedo ke beşdarê  çalakîyanê vera îşxalê dewleta tirke yê  Rojawanî bîyê 13 aktîvîstanê Rojhelatê Kurdîstanî rê cezaya zîndanî ya 6 mengan û 30 qemçîyan da.

Mehkemeya Komareya Îslamî ya Îranî ya Merîwanî cezaya zîndanî ya 6 mengan û 30 qemçîyan da 13 çalakîkeranê kurdan.

Goreyê Rêxistina Heqanê Merdiman a Kurdîstanî Fwad Îwusfî, Efşîn Rehmanî, Kemal Konepoşî, Seyd Umîd Secadî, Şehab Zemanî, Mubîn Nadrî, Tarîq Rostemî, Dyako Taba, Hîmet Kerîmî, Mêhdî Tarqî, Seyd Umîd Heqperist, Elî Ye'qûbî û Mihemed Nadrî bi îdîaya ke vera qanûnê nawnayîşî yê Îranî têgêrayî ameyî cezakerdene.

Cezaya zîndan û qemçîyan qasê serrêke ameye taloqkerdene.

Dewa semedê nawnayîşêkê 12ê teşrîna verêne ya 2019î ameye akerdene ke nawnayîş de hêrişê îşxalî yê dewleta tirke yê vera Rojawanî ameybî şermezarkerdene.