• Muzîsyena Kurde Rewşan Çelîkere va, “Muzîkê Kurdkî sey cewherî yo la ganî bêro keşifkerdiş.

Muzîsyena Kurde Rewşan Çelîkere va, “Muzîkê Kurdkî sey cewherî yo la ganî bêro keşifkerdiş.

Mehmûd Çinar muzîsyena Kurde Rewşan Çelîkere rey de roportajêk viraşto. Rewşan vana, “Ganî muzîsyenê cinîyî hîna zagf bivejîyê sehneyan ser. Xoverdayîşê cinîyanê Kurdan, muzîkê Kurdkî de revîzyonêk viraşt.Rewşan Çelîkere hunermendêka serkewtî ya. Aye xebatê zaf serkewteyî vetê meydan. Ma muzîkê aye de hem tehmê muzîkê gelêrîyî genê, hem zî tehmê muzîkê modernî genê. A bi xo her deyîya xo de bi ukulele û kemana xo ca gena. Çel3ikere tewr pêyîn sîngleya xo ya bi nameye ‘Kavir’î vete. Kavir fekê dengbejêkî Îdirijî ra ameyo girewtiş.

‘Ez mîyanê Zarbêjan de bîya pîl’

Rewşan Çelîkere va, “Qictîya mi Tetwan de vîyerte. O wext fuarêk ameybî viraştiş û mi Şehrîbana Kurdî uca goştarî kerdibî. Derdorê ma de xeylê dengbejê cinîyî estibî. Hetê ma de ma dejbêjanê cinîyan ra vanê ‘Zarbêj’. Qictîya mi mîyanê Zarbêjan de vîyerte. Serranê neweyan de ma muzîkê Kurdkî yê Bakurî de giranîya Ciwan Haco, Nîzamettîn Ariç û Şiwan Perwerî esta. La verê cû Eyşe şan esta, Meryem Xan, Susika Simo, Zadîna Şakîr, Aslîka Qadir estê. Nê pêroyî seba hunermendanê cinîyan bîyê sey çilayêk.”

‘Kurdan de cinîyêk bi asanî nêşkena vejîya sehneyî ser’

Çelîkere va, “Serranê peyênan de ma tesîrê xoverdayîşê cinîyan vînenê. Cuwa ver Kurdan mîyan de cinîyîzaf rehet nêbî. La nika xoverdayîşan ver ez vînena ke qedr û tesîrê cinîyan zêdîyeno. Wexto ke vanê muzîkê modern ê Kurdkî, Ciwan Haco yeno mi vîr. Muzîkê ey ekolê Norweî ra havile girewte. Ciwan Haco bi embazanê xo yê xerîban xebatê zaf başî vetê meydan. Hêverî ma deyîranê ey de vengê tembure eşnawit la bi albumê ‘Dûrî’yî ma bedilnayîşêk vînenê. Tarzê xo de zaf bi serkewte û mîyanê şarî de bi efsane. Ez zî sey Ciwanî muzîkêkî modernî îcra kena la ez deyîranê gelêrîyan ra xo dûrî nêgena. Ez zana ke muzîkê Kurdkî yê gelêrî sey cewherî yo û paweyê muzîsyenano. Tayî hunermendê ma nê karî de zaf baş ê. Mazhar Xalixî esto, muzîsyenêko pîl o. Xaliqî raşta zî kompozîtorêko zaf serkewte yo. Ma ganî sey Xaliqîyî karanê serkewteyan bikerê. Nika ez vînena ke xebatanê cinîyanê xoverdayoxan ver, cinîyanê Kurdan xo danê ver hinî.”

/Duvar