Rêxistina Heqanê Merdiman a Dinya ya ke Amerîka de xebatan kena herêmanê ke dewleta tirke pê çeka kîmyewîye hêrişê ci kerd do tede cigêrayîşî bikera.

Rêxistina Heqanê Merdiman a Dinya ya ke Amerîka de xebatan kena û Komeleya Mexdûranê Kîmyewîyan ê Helebçe pîya kombîyayîşêk kerd. Xeylêk kesî tewrê kombîyayîşê 'Domananê Vînîbîyayeyan ê Helebçe' bîyî.

Kombîyayîş de hêrişê kîmyewî yê dewleta tirke yê vera Herêmanê Pawitişî yê Medya zî ameyî nîqaşkerdene. Rêxistina Heqanê Merdiman a Dinya soz da ke ê do nê herêman de cigêrayîşî bikerê.

Berpirsîyarê Rêxistine Seyîd Selah Baxçeyîyî kombîyayîşî ser o eşkerayîye da û vat: ''Ma do dosyayanê domanan ê vînîbîyayeyan ê Helebçe bikirişê Ofîsê Rêxistina Heqanê Merdiman a Dinya. Na semedê domanan gamêka weş a.

Rêxistine bire daye ke herêmanê Başûrê Kurdîstanî de ke dewleta tirke tede çekê kîmyewî şuxilnayî cigêrayîşî bikera. Ma do qetî ney ser o xebate bikerê.''

Serekê Komeleya Mexdûranê Kîmyewîyan ê Helebçe Lokman Abdulkadîrî da zanayene ke ê do semedê domananê vînîbîyayeyan şorê verê pêro beran û îfade kerd ke Rêxistina Heqanê Merdiman a Dinya zî semedê hetkarîya ney soz dayo înan.

Helebçe de 83 keyeyî wazenê ke 114 domanê ke hêrişan de vînî bîyî bêrê dîyene.