Rêxistina Tenduristîya Cîhanê (WHO) ragihand ku Çîn agahîyên li ser pêketinên pêşî yên vîrusa koronayê nade wan.

WHOyê ragihand, wan ji rêveberîya Çînê xwestiye ku ew agahîyên ser 174 pêketinên pêşî yên li Wuhanê ku di dawîya sala 2019an de hatibûn tespît kirin bidin lê red kirine wan agahiyan bidin.

Tîma pisporên WHOyê di meha Çile de ji bo tespîtkirina jêdera vîrusa koronayê serdana Çînê kiribû û çar hefteyan li wir mabû.

Ji tîma pispor Dominic Dwyer ji Reutersê re dîyar kir ku berpirsên Çînê bi tenê agahîyên kurt û analîz dane wan, vîrusa korona berê li bazara ajalan ya Wuhanê hatiye tespît kirin, lê ji wan 174 pêketinên pêşî bi tenê nîvê wan di bin bandora wê bazarê de mane.

Pisporê WHOyê got ku wan ji bo standina agahîyên berfireh yên pêketinên pêşî israr kiriye, Çînê nedaye û ew niha naxwazin ser sedema nedana agahîyan şiroveyekê bikin.

Li seranserê cîhanê heta niha zêdetirî 108,5 mîlyon kes bi vîrusa korona ketine û ji wan 2,394,346 kes jî mirine.