Riha de mîyanê 6 aşmanê peyênan ê 2019î de 378 tutê ke 12 û 16 serrî bî rastê tecawîzî ameyî.

Koordînatora Merkezê Heqanê Merdiman ya Baroya Riha avukat Esra Yûrûm Aktaş îzeh kerd ke, seba ke vernîya nê çîyan bêra girewtene gere xebera her kesî nê çîyan ra bibo. 

Riha de 287 kêna û 91 lajî, pêroyî de 378 tutî rastê tecawîzî ameyê û qeydê înan bi resmî esto. Vejîya orte ke 21 tutî zî bi tecawuz de digan bîyê. 

Se ra 70ê hedîseyê tecawuzî qezayanê Kaniya Xezalan, Herran û Serê Kanî de bîyê. Se ra 20 zî  qezayê Hilîliye, Eyyûbiye û Karakoprû û se ra 10 zî Sîwereg, Bêrecûk, Wêranşar, Xelfetî, Curnê Reş, Hewag û Pirsûs.  

Heto bîn ra mîyanê 6 aşmanê peyênan de 72 tutî zî pê zor amê zewicnayîş.