Merkezê Xeberan - Polîso sîvîl E.O. Taxa Paşabagî de karmendê weşîye Mehmet Demîr derb kerd. Gorê îdîayan, hemşîreyêk seba qeydê nêweşêkê polîsê sîvîlî E.O. nasname weşt. La polîs hêrs bi û şi hemşire ser.

Xebatkarê weşîye Mehmet Demîr kewt mîyanê polîs û hemşîre. Polîs E.O. sereye xo da zinca Demîrî ro û o birîndar kerd.

Demîro ke pirnika ey şikîya wedarîya Nêweşxaneyê Perwerde û Cigêrayîşî yê Mehmet Akîf Înanî. Demîr nêweşxane de raporê derbîyayîşî girewt û derheqê polîsî dewa akerd.

WEZÎFE RA AME GIREWTIŞ

Goro ke vajîya, Walîyê Riha Abdullah Erînî derheqê polîsê sîvîlî de tehqîqat akerdo û polîs E.O. bi fermanê walî wazîfe ra ameyo girewtiş.