Riha û Semsûr de badê varayîşî laser werişt. Felaketa laserî de 17 kesan dinyaya xo bedilnaye û xeylêk kesî hema vînîbîyaye yê.

Bajarê ke 6ê sibate de binê tesîrê erdlerzî de mendî, nînan de na rey varayîş agrêra laseranê mergî.

Riha de rîyê erdlerzî ra 14 kesan dinyaya xo bedilnaye û semedê 5 kesan xebatê cigêrayîş û xelisnayîşî dewam kenê.

Qezaya Tûtî yê Semsûrî de zî konteynero  ke baxçeyêk de amebi ronayene, leserî ver şi, netîceya laserî de 2 kesan dinyaya xo bedilnaye û hûmara kesanê ke bajar de merdî bîye 3. û 2 kesî vînîbîyaye yê.