Wezîrê Derve yê Amerîkayê xeberê xwevekêşana welatê xwe ji nav Hevpeymaniya NATOyê red dike, herwesa daxwazê ji endamên wê hevpeymaniyê jî dike ku budceya giştî ya bergiriyê bi rêjeya 05% bilind bikin.

Wezîrê Derve yê Amerîkayê Marko Robio di serdana xwe ya ji bo Brûkselê û civîna xwe ya li gel endamên NATOyê de got, “Ew nîgeranî û tirsa hin ji medyayên navxweyî li ser xwevekêşana hêzên Amerîkayê ji nav NATOyê parve kiriye gelek bêbingeh in û ew mijar ji astê pêdivî zêdetir hatiye mezinkirin.”

Marko Robio herwesa ragehand, “Donald Trump bi awayekî eşkere pabendbûna xwe bi NATOyê diyar kiriye ku, di nav wê hevpeymaniyê de dimîne û bi çi awayan li dijî wê hevpeymaniyê nîne, belkî li dijî wan endaman e yên ku pabendî qanûnan nabin.”

Sikirtêrê Giştî yê NATOyê Mark Rute di wî warî de got, “Di çend mehên borî de tiştên gelek giring çê bûne, bi sedan milyar yoro ji bo budceya wê hevpeymaniyê hatine zêdekirin, ev jî cara yekê ye ku piştî şerê sar budceya NATOyê ji bo wê astê bilind bibe.”

Pêştir Serokê Amerîkayê Donald Trump rexne li Hevpeymaniya NATOyê girtibû û daxwaz jê kiribû ku, budceya bergiriyê bi giştî bi rêjeya 05% zêde bikin. Wezîrê Bergiriyê yê Amerîkayê Peter Brian di wî warî de got, “Divê hemî endamên Hevpeymaniya NATOyê pabendî sozên xwe bin û bi wê rêjeya ku Serokê Amerîkayê diyar kiriye budceya bergiriyê zêde bikin.”

Wezîrê Bergiriyê yê Amerîkayê herwesa ron jî kir ku, ew kar di dema salekê û du salan de nayê kirin, belkî rêyeke durist û dirêj divê.

Herwesa Trump di gotara xwe ya şevêdî de li ser sepandina xûkê li ser welatan rexne li welatên hevpeymanên Amerîkayê girt û got, “Hin caran hevalên me ji dijminên me xirabtir in, bi dehan salan e ku em ji aliyê welatên dost ve tên talankirin û xewnên me tên dizîn.”