Îdareyê Xoserî Rojawan de semedo ke verê vilabîyayîşê janê Korona bigêro qasê 10 rojan qedexeyê tebervejîyayîşî îlan kerd.

Hemserekîya Meclîsê Rayberdişî ya Îdareyê Xoserî ya Rojawanî eşkerayîyêk da û pêro Rojawan de qasê 10 rojan qedexeyê tebervejîyayîşî îlan kerd.

Îdareyê Xoserî eşkerayîya xo de ard ziwan ke seba ke vilabîyayîşê vîrusê Korona bêro girewtene 13ê nîsane ra heta 22ê nîsane qedexeyê tebervejîyayîşî do bêro caardene. Goreyê qedexeyî berê sînorî do girewte bibê; market, kasap û manawî 08.00 ra heta 17.00 do akerde bibê.

Reyna dermanxane, nêweşxane, dezgehê çapemenîye, firin û îstasyonê sotementî zî do akerde bibê.

Peynîya eşkerayîye de dîya zanayene ke xebitnayîşê maske mejbûrî yo.