Paytextê Îranî Tehran de cinîya kurde Jîna Emînî hetê 'polîsanê exlaqî' ra amebî qirkerdene. Seba protestokerdişê ney Rojhelatê Kurdîstanî de grevo pêroyî dîya destpêkerdene.

Partî û rêxistinanê komelê sivîlî, aktîvîstanê sîyasî û komelkîyan ê Rojhelatê Kurdîstanî venga pêro şarê Rojhelatê Kurdîstanî û şaranê Îranî dabi ke vera qetilkerdişê cinîya ciwane ya kurde Jîna Emînî grevê pêroyî bikerê.

Vengdayîşî ser o temamîya Rojhelatê Kurdîstanî de grevê pêroyî dest pêkerd.

Goreyê dîmanan şaristananê Rojhelatê Kurdîstanî Seqiz, Sine, Şino, Bukan û Bane de grev dest pêkerdo. Dîmenan de aseno ke dikanî anêbîyî û şar nêşîyo karî.