Pasdarên Îranê tenê kolberên Rojhilatî yên ku ji ber belengaziyê neçar dimînin, barberiyê bikin, nakujin. Hesp û dewarên wan jî dikujin yan jî digirin û talan dikin.

Dezgeha mafên mirov ya Hengaw ragihandiye, di heyama du-sê rojên borî de li deverên Bane û Newsûd yên Rojhilatê Kurdistanê bi dehan ser hesp û dewarên kolber û barberan ji aliyê pasdaran ve hatine girtin û kuştin.

Li gorî raporta Hengawê, li devera Newsûd ya bajarê Pawe yê Rojhilatê Kurdistanê 7 hesp hatine girtin û barên wan jî hatine talankirin. Li zozana Hucreya Feqîran ya Bane jî 22 ser hesp ji aliyê pasdaran ve hatine kuştin.