Mamosta Zara Mihemedî ya ke Rojhilatê Kurdîstanî de domanan rê kurdkî musnena,  cezaya 5 serran dîyaye ci.

Mamosta  Zara Mihemedî seba ke perwerdeyê kurdkî dana  bi serrano hedefê  dewleta Îranî de ya.

Cinîya ciwane Zara Mihemedî  ya ke zerrîya safî ra dersa kurdkî dana domanan par çend rey ameyî destbendkerdene û dima ra bi kefaletî serbest ameye veradayene. Narey zî Mehkemeya Şorişî ya Sîne cezaya 10 serran daye Mihemedî. Qerarê mehkumîyetî ke şi Mehkmeya Temyîzî  û tîya ame war bi 5 serrî.

Birayê Zara Mihemedî  Heybet Mihemedî ke RojNewsî rê qisey kerd vat: ''Hukmatê Iranî hergo  Zara bi sûcanê cîya cîyayan sûcdar ekno. Rayêke rîyê muxalefetê Komara Îslamî ra,  rayêke rîyê paştgêrîya Partîya Sosyalîte ra ameye sûcdarkerdene. Çend rojî verê cu sey fermî cezaya 5 serran dîyaye ci. Ganî ma mîyanê 10 rojan de Zara teslîm bikerê. Rixmo ke xeylêk welatanê Konseya Hukmî cezaya Zara îmza nêkerde  înfazê cezaya ci yeno waştene.''

Istîxbaratê Îranî seba ke Zara Mihemedî dersa kurdî daya domanan 23ê gulana 2019î de eştbi keyeyê aye ser .