Li gorî agahiyên dezgeha mafên mirov ya Hengaw, di heyama çend rojên borî de gelek welatiyên kurd li bajarên Bokan, Serdeşt, Mehabad û Rebet yên Rojhilatê Kurdistanê ji ber xebatên mezhebî hatin girtin.

Li gorî agahiyan, ew kurdên Rojhilatî bi tohmeta endamtî di rêxistina îslamî-selefî ya bi navê “Mekteba Quranê” hatine girtin.

Heta niha tenê nasnameya 15 kesan ji wan kesên ku hatine girtin, hatiye eşkerekirin.

Mekteba Quranê sala 1977 ji aliyê zanayekî kurd bi navê Ehmed Muftîzade ve hatiye avakirin. Muftîzade di serdema Komara Kurdistanê de endamê PDKÎ bû lê piştî ku hat girtin, di girtîgehê de hat guhertin û dest ji xebata netewî berda û bi yekcarî vegeriya nav xebatên îslamî-sunnî.