Merkezê Xeberan - Sînorê şaristanê Rojhilatê Kurdistanî Bane de pêrodayîş vejîya û pêrodayîş de fermandarêkê Îranî ame kiştene.

Gorê xebera ajansê Mehrî  sînorê şaristanê Rojhilatê Kurdistanî Bane de mabênê kolberan û eskeranê Îranî de pêrodayîş vejîyayo û pêrodayîş de fermandaranê Îranî ra Ali Halîl amo kiştene. 

Gorê xebera ajansî pêrodayîşî ra dima 3 kolberê Kurdî hetê asayîşê Îranî ra amê tepiştene.

Şarê Rojhilatê Kurdistanî seba ke debara xo biko, feqîrîye ver karê qeçaxçitî keno. Seba ke gorê qanûnanê Îranî sînorî ra ardişê malzeme qedexe yo, pasdarê Îranî erzenê kolberan ser û hema her roje kolberêko Kurd hetê pasdaranê Îranî ra yeno kiştene.