Navenda Nûçeyan - Rojnamevana kurd Khazar Fatemi xelata Unescoya Swêdê ya sala 2020ê wergirt. Unescoyê xelat da Khazarê ji ber kar û xebata wê ya rojnamevanî ya cidî û bêrawestan li ser kulturên li ber xeterê.

Li gor Radio Sweden Unescoyê di daxuyanîya xwe de dibêje ku Khazar bi rêya zincîra dokumentfilmên ”Kultur i farozonen” [Kultur di herêmên bixeter de] ya ku ji bo Televizyona Swêdê SVTê amade kiribûn û bi semînarên piştî wan dokumentfilman ji bo biçûk û mezinan bûye pêşengeka giring ya parastina kulturên tehdîdkirî.

Khazar Fatemi di sala 1987ê li gel malbat xwe ji Îranê çûbûn Afxanistanê û sala 1989ê hatin Swêdê. Ew di sala 2012ê wek rojnamevan çû Afxanistanê û filmekê dokumenterî li ser rewşa civaka wî welatî ya piştî reşî ji bo SVT amade kir.

Wêne: Matilda Ljungkvist/SR