Nuştoxê kirmanckî Îlhamî Sertkayayî romano xo yo hîrêyin qedêna û çap kerd. 

Kitabê 600 rîpelan bi nameyê “Şewa Payîzî” weşanxaneyê Nas Ajansî ra vejîya.

Sertkayayî derheqê nuştişê romanî de vateyo verên de nîya vano: “Planê nuştişê nê romanî rew ra aqilê mi de estbî, la karan û wextî firsend nêdabî mi ke ez dest cikera. Mi ke firsendo verên dî, dest ci kerd. Nuştişê ey nêzdîyê çar serrî wext girewt.” 

Derheqê muhtawa de nuştox vano ke “Şewa Payîzî de serebût, huzin, têkoşîn, xem, bandûra camêrdîye, zurekerîya teorî û pratîkî esta. Tena nê çin ê; rastîye, zelalbîyene, kamîye, eleqedarî û têkilîyê komel û însanan, alternatîfan û çareyan ser o fikrî zî estê.”

Şewa Payîzî keyepelê Nas Ajansî ra peyda bena.