Hetê nuştox Deniz Gunduzî ra bi nameyê ‘Kalaşnîkof’î romanêko science fictionî ameyo nuştiş.

Edebîyato Kirmanckî yo modern, edebîyatêko ciwan o. Xora zaf romanî zî nêameyê nuştiş. Tarzê science fictionî tena Kirmanckîyî de ney edebîyatê Kurdkîyî de zî zaf nêameyo ceribnayîş. Deniz Gunduz, terteleyê Dersimî bi tarzêkî science fictionî neweyî ra mojneno wendoxan. Nuştox reyna tayê raştîye tarîxîyî bizanayîş deforme kerdê û hedîseyî neweyî ra bi westatîye munitê. Eke wendoxî biwazê romanêko Kirmanckî yo science fictionî biwanê, wa kitabî peyda bikerê û bi muniteyêka ecêbe û orîjînale bikewê raywanîyêka bêemsale.

Deniz Gunduz, Kalaşnîkof, 86 r., Weşanxaneyê Vateyî, Îstanbûl, 2013.