Serokê Sererkaniya Rûsyayê Valeriy Gerasimov di derbarê Sûriyê û Rojavayê Kurdistanê de daxuyanî da.

Gerasimovî got: Amûrên îstîxbarî yên Rûsyayê, bi awayekî rêkûpêk tespît dike ku ji rojhilata Sûriyê ya ku Hevpeymaniya Navdewletî wan deveran kontrol dike, tankên petrolê derbasî Tirkiye û Iraqê dibin.

Gerasimovî her wiha got "Dahatên ji firotina petrolê têne bidestxistin, bo fînansekirina milîtanên DAIŞê têne bikaranîn."

Gerasimovî di derbarê Rojavayê Kurdistanê de jî wisa got: "Rewşa li Rojhilata Firatê ku Amerîka digel Kurdan hevkariyê dike û hewl dide qaşo dewleteke ji Şamê serbixwe ava bike, her diçe xirab dibe. Aniha bo pergala ku wek 'Federasyona Demokratîk a Bakurê Sûriyê' bi nav kirine hikûmetekê ava dikin. Bi vî awayî Amerîka daxwazên cihêxwaz ên Kurdan xurttir dike û destûrê dide wan ku zorê didin eşîrên ereb"