Firokeyên Rûsyayê çeperên li Çiyayê Kurdan bombebaran kirin. Herwiha ji ber mûşekbarana hêzên rejîma Sûriyê li başûrê Idlibê zarokekî jiyana xw ji dest da û 5 kes birîndar bûn.

Li gor Rewangeha Sûrî ya Mafên Mirovan, hêzên hikûmeta Sûriyê bajarokê Kifêr li başûrê bajarê Cisir Şixûrê yê Idlibê mûşekbaran kirin.

Li gor zanyariyên wê rewangehê, di encama mûşekbaranê de zarokekî canê xwe ji dest da û 5 sivîl jî birîndar bûn.

Herwiha firokeyên Rûsyayê jî navçeya Çiyayê Zawiye li başûrê Idlibê û çeperên Çiyayê Kurda li bakurê Laziqiyê bombebaran kirin.

Ji destpêka Îlonê ve, firokeyên Rûsyayê 157 êrîş li Idlib, Heleb, Hema û Laziqiyê kirine.