Şaîro kurdo namdar Cegerxwîno ke 36 serrî cuwa ver wefad kerdbi serê gorê ci yo ke verê berê ci yê taxa Xerbî ya Qamişlo de yo, ame vîrardene.

Endamê Yewîya Roşnvîran a Herêma Cizîre, Yewîya Roşnvîran a Rojawanî, Yewîya Nuştoxanê Kurdan ê Sûrîye tewrê merasîmî bîyî. Bado ke gorê Cegerxwînî bi vilikan ame xemilnayene  derheqê ey de qiseykerdişî ameyî kerdene. Qiseykerdişan de ame vatene ke Cegerxwînî bi pênusê xo vera serdestan têkoşînê pawitişê nasname û kulturê kurdan da û esaranê xo de tim yewîya neteweyî ya kurdan ser vindert.

Qiseykerdoxan veng da ke wa hunermendê kurdî rêça Cegerxwînî teqîp bikerê.