Temsîlkarê Sûriye yê Netewê Yewbîyayî Beşar Caferî seba Tirkîya vano: Dewleta Tirkiya gorê qeydeyanê cîrantî tênêgêrena. Tirkîya hema zî desteg dana grûbanê terorîstan.

Encûmenîya Asayîşê Mîyandewletan seba rewşa Idlibî vizêr kom bîy. Kombîyayîş de Termsîlkarê Sûriye yê Netewê Yewbîyayî Beşar Caferî va: “Heme endamê Encûmena Asayîşê Mîyandewletî zanê ke Idlib de rewşe hewl nîya. Ma pêro tîya de sebebê meseleyan peygoş kenê. Zaf aşkereyo ke dewleta Tirkiya desteg dana terorîstan. Tirkîya sozê ke seba Idlîbî dabî nêardê ca. Terorîstê ke Sûrîye de falîyet kenê Tirkîya ra piştî gênê.”

Seke yeno zanayîş bajarê Sûrîye Îdlîb xeylê wexto ke kewto destê terorîstanê Tahîr El Şam. Rejîmê Sûrîye war ra teyarayê Rûsya zî hewa ra qasê aşmîyo ke Îdlîb bombarduman kenê. Rûsya û Rejîmê Sûrîye îdîa kenê ke hukmatê Tirkîya piştî dano terorîstanê selefîyan. Û Rûsya û Sûrîye vanê ke, Tirkîya sozê ke pêameyîşê Soçî û Asatana de seba Idlibî dabî nêardê ca.