Şanda danûstankar ya Hikûmeta Kurdistanê, îro bo serdanekê diçe Bexdayê.

Li gorî zanyariyan, şanda danûstankar ya Hikûmeta Kurdistanê, bi serokatiya Qubad Talebanî îro diçe Bexdayê.

Herwiha agahî didin zanîn, şanda Hikûmetê bi berpirsên Bexdayê re li ser pişka Kurdistanê di budçeya sala 2021 ya Iraqê de gotûbêj dike.

Heta niha şanda Hikûmetê gelek caran çûye Bexdayê û bi gelek aliyên Iraqî re hevdîtin kiriye, da ku wan razî bike di dema dengdanê de li Parlementoya Iraqê, pişka Kurdistanê mîna xwe bimîne û neyê destkarîkirin.

Armanca şanda Hikûmeta Kurdistanê ew e, berevaniyê li pişka Kurdistanê bike ku di pirojeqanûna budçeya Iraqê de hatiye destnîşankirin.

Pişka Kurdistanê di pirojeqanûnê de %12.67 hatiye hesibandin.