Navenda Nûçeyan- Endamê Serkirdayetîya Partîya Demokrata Kurdistana Sûrîyê (PDKS) Dr. Kawa Azîzî, ji BasNwsê ra axivî û aşkere kir roja pêncşemê ya vê hefteyê wê şandeka ENKSê serdana Moskowê bike û ligel Wezîrê Derve yê Rûsyayê Sergeyl Lavrov ra bicive.

Herwiha Kawa Ezîzî da zanîn ku Rûsyayê bi awekî fermî ENKS vehewandîye û li ser nivîsandina destûra nû ya Sûrîyê wê hevdîtin bihê encam dan û ENKS jî di nava komîteya destûrê da cîh digire.

Di berdewamîyê jî da Kawa Azîzî amaje bi wê yekê kirîye hewleke ciddî heye bo yekdengî di navbera partîyên sîyasî yên Rojavayê Kurdistanê pêk were û dawî li dagirkerîya çekdaran pêk were.

Hêjayî bi bîrxistinê bere jî çendîn caranên şandên ENKSê serdana Rûsyayê kiribû û bi berpirsên Wezareta Derve ya Rûsyayê û Nûnerê Serokê Rûsyayê yê bo Karûbarên Sûrîyê ra civîya bû.

 Çavkanî: Basnews