Li Şamê, şandeke akademîsyen û rewşenbîrên Rojavayê Kurdistanê bi navbênkariya Rûsyayê, bi rayedarên Hikûmeta Sûriyê re civiyan.

Li gor zanyariyan, şandeke Kurdî ji akademîsyen û kesayetiyên serbixwe û nûnerên civaka sivîl (NGO) serdana Şamê kirin.

Herwiha zanyarî diyar dikin, reşnivîsa nêrînekê di navbera wan kesayetiyên Kurd û Rûsya de hatiye amadekirin û ew reşnivîs li gel Hikûmeta Sûriyê hat gotûbêjkirin.

Zanyarî destnîşan dikin, Hikûmeta Şamê daxwaza hinek guhertinan di wê reşnivîsê de kiriye û Şam bi erênî nêzîkî reşnivîsê bûye, lê ti sozek an biryarek nedaye.

Armanca vê serdanê, bo mafê Kurdan ji aliyê Şamê ve bê qebûlkirin. Herwiha Rûsya weke garentor rola xwe dibîne.