Navenda Nûçeyan- Bo yekem car di dîroka danîna tacegulan li ser Gora Serbazê Win de, li Parîsê bi amadebûna nûnerên Wezareta Berevanîyê ya Fransayê û Akademîya Serbazî, Federesyona Cengewerên Dêrîn yên Fransayê û revenda Kurdî, bi bilindkirina ala Kurdistanê û ala Fransayê, merasîmeke taybet bo rêzgirtin li Pêşmerge li Parîsê birêve çû.

Bo bilindnirxandina rola hêzên Pêşmergeyên Kurdistanê di têkşikandina DAIŞê de, Fransa bo yekem car şandeke Pêşmergeyên Kurdistanê vedixwîne Parîsê û di merasîmeke serbazî de li Meydana Serbazê Win li Parîsê, Serokê Şanda Pêşmergeyên Zêrevan agir li ser Gora Serbazê Win vêdixe û tacegulekê datîne ser wê û dibêje: “Ev ji Kurd re, rojeke dîrokî ye”.

Nûnerê Hikûmeta Herêma Kurdistanê ku beşdarî merasîmê bû, tacegula Hikûmeta Herêma Kurdistanê danî û xweşhalîya derbirî ku bi vî awayî rêz li Pêşmerge tê girtin û got: “Ev berê ked û xwîna hemû şehîdên Kurdistanê ye”.

Gora Serbazê Win li Parîsê di sala 1806an ji alîyê Napoleon Bonaparte ve hatîye duristkirin û yek ji sembolên niştimanî yên Fransayê ye û hemû boneyên niştimanî li vî cihî birêve diçin.

K24