Şaredariyên navçeya Sûrê ya Diyarbekirê û Şaredariya navçeya Findikli ya bajarê Rîzeyê îro 25ê Îlonê bi merasîmekê protokola destexwişkiyê îmze kirin.

Şaredariya navçeya Sûrê di bin rêveberiya DEM Partiyê de ye û Şaredariya Findikliyê jî jialiyê partiya opozîsyona Tirkiyê CHPê ve tê birêvebirin.

Serokê Şaredariya Findikliyê Ercument Şahîn û Hevşaredarên DEM Partiyê yên Sûrê Fatma Gulan Onkol û Adnan Orhan di merasîma îmzeyê de amadehî kirin.

Parlamenterê CHPê yê Diyarbakerî Sezgîn Tanrikulu û Parlamentera DEM Partî ya Diyarbekirê Adalet Kaya jî beşdarî merasîmê bûn.

Bi protokola hate îmzekirin re, her du şaredarî dê di warên bazirganî, çand û geştyariyê de danûstandinên xwe zêdetir bikin û di hemû projeyan de hevkariyê bikin. 

Piştî merasîma protokola destexwişkiyê, li ber Mizgefta Mezin a Diyarbekirê govenda Kurdî û horona Deryaya Reş hatin gerandin.