Saziya Zimanê Tirkî (TDK) li ser banga Platforma Zimanê Kurdî ku di 8ê Çileyê de bi 10 madeyan bangî saziyê kiribû û daxwaz kiribû ku ferhenga Kurdî-Tirkî biweşîne, daxuyaniyek da.

Saziya Zimanê Tirkî bersiv da Berdevkê Platforma Zimanê Kurdî Şerefxan Cizîrî û ragihand ku wan di sala 2014an de ferhengeke Kurdî-Tirkî çap kirine.

Serokê Saziya Zimanê Tirkî Prof. DIr. Gurer Gulsevin di bersiva xwe de gotiye: “Di destipêkê de ji ber eleqeya we ya ji bo Saziya Zimanê Tirkî, em spas dikin. BIngeha Saziya Zimanê Tirkî, peywir û berpirsyariyên wê, qadên wê yên xebatê yên pêşîn, bi madeya 10emîn a Biryarnameya di Hukmê Qanûnê de ya hejmara 664an, hatiye pêkanîn. Saziya me xebatên xwe li gor çarçoveya ku vê madeyê xêz kiriye, dimeşîne.”

Saziyê eşkere kiriye: “Saziya me him ferhengên zimanê Tirkî, him jî ferhengên du zimanî diweşîne û pêşkêşî sûda lêkolîneran dike. FErhenga Kurdî-Tirkî û Tirkî-Kurdî jî, yek ji wan ferhengên du zimanî ye ku di sala 2014an de hat weşandin. Em ji bo nêrîn û pêşniyarên we spas dikin.”

Platforma Zimanê Kurdî di 8ê Çileya 2021ê de li Diyarbekirê civîneke çapemeniyê li dar xistibû, bi 10 madeyan bang li Saziya Zimanê Tirkî (TDK) kiribû.