Merkezê Xeberan- Paytexte  Polonya Varşova de, vera îşxalê Dewleta Tirkîya yê vera Rojawanî, bi organîzatorîya cinîyan ver bi Qesrê Serekkomarî rayîrşîyayîşêk ame kerdene. Çalakî de venga pêro cînîyanê dinya dîya ke  wa Rojava rê wayîr vejîyê.

Şaristanê Wroclawî yê rojawanê Polonya de zî kurdan û polonan pîya çalakîyêk kerde. Rêxistinê “Wroclaw seba Rojawanî payan ser o yo” çalakîye kerde û seba îşxalkerî û pakîya etnîkî ya ke  yena kerdene bêvengîya dewletanê dinya ameye rexnekerdene.

Serokkomar Dûdayî Rê Mektube Erşawîyaye

Eynî rêxistînî Serekkomar Andrzej Dûdayî rê mektubêke erşawite û dîyar kerd ke galê îşxalkerî gef ro pêro dinya wanenê. Mektube de ame dîyar kerdene ke Dewleta Tirkan bi cerganê El Qeîde, DAÎŞ û rêxistinanê terorîstan ê huşkan gal  kena û vajîya, newe ra candarbîyayîşê DAÎŞî seba Ewrupa tehlîkeyêko pîl o.

Metube de sucê vera merdimîye ke îşxalkeran Efrînî de kerdê amey vîrfîştene û ame nîşankerdene ke teba kurdan, xirîstîyan, asûrî, armenî û raameyîşê bînî yê herême vera îşxalkerî xo ver dane

Mektube de xoverdayîşê Meclîsê Leşkerî yê Suryanîyan û Hêzanê Sûrîya Demokratîke (HSD) yê vera îşxalkerî ame vîrîvîstene û Polonya ra ame waştene ke vera xoverdayîşê Meclîsê Leşkerî yê Suryanîyan bêveng nemana.