Konseya Merkezî ya Yewîya Tabîbanê Tirkan (TTB) Şebneme Korur Fîncanciya ke sey hedefî ameye mojnayene, ameye destbendkerdene.

Konseya Merkezî ya Yewîya Tabîbanê Tirkan  (TTB) Şebneme Korur Fîncanci seba ke derheqê şuxulnayîşê çekanê kîmyewîyan ê dewleta tirke de qisey kerd sey hedefî amebî mojnayene. Fîncanci ewro çarçeweya cipersayîşê ''propagandaya rêxistine'' yê Serdozgerîya Komere ya Anqara de Îstanbul de keyeyê ci de ameye destbendkerdene.

Weqfê Heqanê Merdiman ê Tirkîya (TİHV)  hesabê xo yê Twitterî ra vat: ''Sereka TTByî û Endama Heyetê Rayberdişî yê Weqfê ma Pr. Dr. Şebneme Korur Fîncanci bi tewirê ke nîno qebulkerdene ameye destbendkerdene. Wa Fîncanci cade serbest bêro veradayene.''

Serdozgerîya Komere ya Anqara mehkeme ra waşt wa wezîfeyê Serekîya Merkezê Konseyî yê TTByî destê Fîncanci ra bêro girewtene.