11 wekîlanê Demokrat û Komargîran ê Meclîsê Temsîlkaran ê Amerîka Serek Joe Bidenî rê mektubêke şawite û waşt ke rotişê F-16î yê semedê Tirkîya bêro astengkerdene.

11 wekîlanê Demokrat û Komargîran ê Meclîsê Temsîlkaran ê Amerîka Serek Joe Bidenî û Wezîrê Karanê Teberî Antony Bilinkenî rê mektubêke şawite û waşt ke rotişê F-16î yê semedê Tirkîya bêro astengkerdene.

Mektube de ame vîrvistene k Tirkîya beno ke 40 teyarayê şerî yê F-16î bihêrîna û 80 teyarayanê F-16î zî newe bikera.

Wekîlan mektube de ard ziwan ke Serekkomarê Tirkîya Erdoganî êlula verêne de sîstemê pawitişê fuzeyan ê S-400î hêrînabi.

Wekîlan vat: ''Endamêka NATOyî sey dişmenî têgêrena. Pê şawitişê teyarayanê Amerîka nêbo ke ma asayîşê xo yê neteweyî ra tawîz bidê.''

Amerîka vera hêrînayîşê sîstemê pawitişî yê hewayî yê Tirkîya vejîyabî.