Senatorê Amerîka Lindsey Grahamî va, eke Tirkîya fuzeyanê S-400an aktîv biko, do rastê cezayanê qanunanê Amerîka bêro.

Senatorê Amerîkî Lindsey Graham beşdarê kanalê “CBS” yê Amerîka bi û va: “Ma eşnawito ke Serek Trumpî vato, Tirkîya do rastê cezayêk nêro. La gorê qanunanê ma ceza dîyena Tirkîya. Eke Tirkîya S-400an aktîv biko, qanunê ma eşkenê ceza bide ci.”

Grahamî îzeh kerd ke  Tirkîya ortaxêka înan a muhîme ya û endama NATOyî ye, la eke Rûsya ra S-400an bierîno do rastî cezadayîşê Amerîka bêro.

Senatorê Amerîka îzeh kerd ke verî zî vato, Amerîka destur nêdana ke Tirkîya hem Rûsya ra sîstemê S-400an bigîro û hem zî Amerîra teyarayanê F-35an bigîro.

Serekomarê Tirkîya Recep Tayip Erdoganî vizêr vatbi, ma do mîyanê 10 rojan de Rûsya ra fuzeyanê S-400an bigîre. Serekê Amerîka Donald Trampî desteg dayo ma ke m ama Rûsya ra S-400 û Amerîka ra zî F-35an bigîre.

La Senatorê Amerîka Grahamî zî vano: Eke Tirkîya wina yew çî biko qanunê ma qebûl nêkenê û eşkenê ceza bide Tirkîya.