Endamê Kongreya Amerîkayê yê ji Partiya Komarî Mark Green got, ew ê hemû hewlê bidin li Kongreyê ji bo hêzên Amrîkayê li Herêma Kurdistanê bimînin ew jî weke spasiyek be ji bo qurbaniya kurdan û têkoşîna hêza Pêşmerga ya di şerê li dijî terorê de de ye.

Di hevpeyvîneke ligel Kurdistan24ê de Mark Green got: “Hêvîdar im Amerîka heman xeletiya di sala 2011an de kiriye dubare neke bi vekişîna Iraqê careke din nebe sedema nesaqamgîrî û nehametî weke aniha li Afganistanê em dibinin û wekî dubarebûna senaryoya vekişîna Amerîka ya sala 2011an ji Iraqê.”

Mark Green da zanîn, ew ê bi hemû şiyana xwe hewl bidin hêzên Amerîkayê li Herêma Kurdistanê bimînin û ew piştgiriya kurdan dikin û bi ti awayî pişta xwe nadin kurdan. 

Mark Green destnîşan kir: “Em ê fişarê bixin ser hikûmetê ji bo hêzên me li Herêma Kurdistanê bimînin weke spasiyeke hemû qurbaniyên hêza Pêşmerge û millete kurd di şerê li dijî DAIŞê de daye.”