Dewleta Tirkîya kamcîn erd ser o Kurdî cuyenê uca îşxal kena, dest ronena ser û uca de Kurd nêevrdene û bi no qayde vera Kurdan dişmenetîya xo aşkere kena.

Bajarê Serê Kanî yê Rojavayê Kurdistanî par hetê artêşa Tirkîya û komanê çekdaran ra amebi îşxalkerdiş û nika vajîyeno ke mîyanê bajarî de Kurdî nêmendî. Erebê ke dorûverê a herême ra arêdîyenî neqlê Serê Kanî benê û erd û malê Kurdan dîyeno înan.

Verê cû, yanê ameyîşê eskeranê tirkan ra ver 10.000 keyeyê Kurd Serê Kanî de estbî. Wexto ke eskeranê tirkan eşt sere Kanî ser nê keyeyî bajar kerdbî veng la dima ra nêeşkayê agêrê erde xo ser.

Serê Kanî dekerde çekdarê Ereb û Tirkmen ê, keyeyê nê çekdaran zî keyeyanê Kurdan de manenê, qasê 1000 keyeyê Ereb ke Idlib, Hums, Xûte û Dêre Zor ra yê nika sere Kanî de bananê Kurdan de manenê.