Dîya zanayene ke şerê Ukrayna-Rûsya de wird terefan zî hêzê xerîbî vistî dewre.

Şerê Rûsya yê vera Ukrayna 24ê sibate ra nata dewam keno. Dîya zanayene ke şerê Ukrayna-Rûsya de wird terefan zî hêzê xerîbî vistî dewre.

Goreyê xebera Wall Street Journalî Rûsya rojanê peyênan de seba ke şaristananê Ukrayna bivisna destî Sûrîye ra ''şerwanan'' kirişena.

Rûsya 2015 ra nata daxîlê şerê Rûsya bîye û hetê hukmatê Beşar El Esadî bîye. Selahîyetdarêkê/a Amerîka îdîa kerd ke tay şerwanê sûrîyeyîjî resayê Rûsya û amadekarîya şerî kenê.

Di cepheyanê Ukrayna de zî şerwanê xerîbî ca gênê. Mutefîqê Rûsya Ramazan Kadîrovî pare kerdbi ke tay şerwanê çeçenî şerê Ukrayna de merdê. Bi des hezaran kesê xerîbî zî hetê Ukrayna de şer kenê. Wezîrê Karanê Teberî yê Ukrayna Dmitro Kubelayî da zanayene ke bi des hezaran hetê înan de ''şerwanê zerrîwazî'' estê.

Roja 12. ya şerî de bombarduman û pêkewtişî dewam kenê. Di şaristanê girîngî Kiev û Harkiv hema zî destê hêzanê Ukrayna de yê.

Rûsya heta nika şaristanê lîmanî Herson vist dest û bombardumanê xo kerdî giranêr.

Goreyê Neteweyanê Yewbîyayeyan heta nika tewr tay 1,5 mîlyon merdiman Ukrayna ra koçê welatanê cîranan kerdo.