Şerê Ukrayna-Rûsya pîl beno. Bîlançoya şerî vera bena giranêr.

Şerê Ukrayna-Rûsya yo ke 24ê sibate de dest pêkerd,  pîl beno. Bîlançoya şerî vera bena giranêr. Xeylêk şaristanê Ukrayna binê ablukaya Rûsya de yê.

Rûsya dormeyê şaristanê stratejîkî Mariopulî zî girewt û waşt şaristan wa teslîm bibo. Hetkarê Serekwezîrê Ukrayna cewab da Rûsya û pare kerd ke ê do qetî çekan war meverdê û şaristanî meteriknê.

Bombardumanê vera Kievî dewam kenê. Bombardumanê yewşemeyî de 6 kesan dinyaya xo bedilnaye. Rûsya roja yewşemeyî hêrişanê xo de fuzeyê hîpersonîkî şuxilnayî.

Goreyê Komîserîya Berze ya Heqanê Merdiman a Neteweyanê Yewbîyayeyan (NY) heta 19ê adare şer de 902 sivîlî merdî û 1459 sivîlî birîndar bîyî, 10 mîlyon merdimî neçare mendî ke Ukrayna biteriknê.

Hetê bînî ra goreyê eşkerayîya Qesra Sipîye ya Amerîka Serek Joe Biden do roja îneyî şoro Ukrayna û dima zî Belçîka de îdarekaranê NATO, G7 û Yewîya Ewropa de kombîyayîş bikero.