Merkezê Xeberan - Serek Mesûd Barzanî bi minasebetê serrgêra bewlîkerdişê roja referandumê xoserî ra beyanatêk da û va: Referandûm seba heme kesê ke beşdarê ci bîyê, şayî yo û seba ci poşman nêbîyê.

Serek Barzanî  beyanatê xo de îzah kerd ke, cuyayîşê şarê Kurdistanî de, ewro rojêka tarîxî ya.

“7ê Hizêrana 2017î de qismê sîyasî yê Herêma Kurdistanî qerar dabî ke referandûmê xoserî bêro kerdene. Bi no qayde  şarê Kurdistanî bi rayîrê aştîyane re, rayê xo da û waştişê xo resna pêro dinya.

No qerar semedê heme welatîyanê Kurdistanî qezencêk bi. Referandûm seba heme kesê ke beşdarê ci bîyê, şayî yo û seba ci poşman nêbîyê.”

Serek Mesûd Barzanî peynîya beyanatê xo de silam erşawit heme kesê ke semedê azadîya Kurdistanî şehîd bîyê û nika mucadele kenê.